Потпретседателката на СДСМ Мила Царовска вечерва се сретна со граѓаните на Берово и Пехчево со кои разговараше за реформите и мерките спроведени од Владата предводена од СДСМ.
„Со мерката младински додаток вложуваме во младите и ги мотивираме да работат во производствената дејност. Оваа мерка стартува од идната недела и со неа на младите до 23 години ќе им се исплаќа месечно по 3.000 денари. Ги повикувам младите вработени во производство и земјоделство да се пријавуваат во Центрите за вработување, а парите ќе им се уплаќаат директно на нивните трансакциските сметки”, рече Царовска.
Таа истакна дека изминатите две и пол години силно се работеше на искоренување на сиромаштијата.
.jpg)
„Социјална помош ја зголемивме во просек за 300%. За две и пол години минималната плата ја зголемувме за 60% и сега изнесува 14.500 денари, а плата над 18.500 денари земат 306 илјади вработени. Пензијата на секој пензионер порасна за 722 денари. Продолжуваме да ја движиме економијата и државата напред”, рече потпретседателката Царовска.
Владата предводена од СДСМ продолжува со посветена работа да ја движиме економијата напред и да го поддржуваме бизнис сектор со различни програми и мерки. Сето тоа го прави со силен социјален дијалог.
.jpg)
