Министерот за здравство, Венко Филипче, со порака на социјалната мрежа Твитер ги предупреди граѓаните да бидат внимателни бидејќи меѓу граѓаните циркулира е-маил со невистинита содржина испратен од лажна адреса која наликува на Министерството за здравство.
“Апелирам до сите да не потпаѓаат на оваа манипулација. Официјалната е-маил адреса на Министерството е: [email protected].
Ширење лажни информации, особено во овие кризни времиња, е опасно за здравјето и безбедноста на граѓаните и штетно за целото општество”- истакна Филипче.
Случајот е веќе пријавен во Секторот за компјутерски криминал и дигитална форензика при МВР и се постапува по истиот.
❗ Ве молам споделете
Меѓу граѓаните се шири е-маил со невисината содржина испратен од лажна адреса која наликува на Министерство за здравство. Известен е Секторот за компјутерски криминал и дигитална форензика при МВР кој веќе постапува за овој случај. pic.twitter.com/lgocWz9D7U
— Венко Филипче (@VFilipche) May 11, 2020