Доколку епидемиолошката состојба остане стабилна како што е во моментот угостителските објекти ќе го вратат работното време до 21 часот, најави денеска министерот за здравство Венко Филипче во утринската програма на МТВ.
– Конкретно да кажам дека угостителите ќе се вратат со работното време до 21 часот, меѓутоа тоа ќе биде тоа засега. Се уште ја следиме ситуацијата како ќе се развива и согласно анализите во иднина ќе одлучуваме дали ќе има дополнителни намалувања на рестрикциите, истакна Филипче.
