Игор е сопственик на ЕКО ЗРНО, компанија за производство на ориз и брашно. Радува тоа што оваа компанија е и корисничка на средства од ИПАРД програмата, ЕКО ЗРНО е компанија со европски стандарди.
– Факт е дека бележиме добра цена на оризовата арпа, која оваа година достигнува и до 40 денари по килограм, порача министерот за земјоделство, шумарство и водостопанство Љупчо Николовски при посетата на компанијата.
Извозот, пак на ориз во 2023 година, достигна вредност од над 7 милиони евра девизен прилив.
– Нашето македонско бело злато, оризот, го вградивме во листата на стратешки важни култури за државата. Исполнивме уште еден даден збор пред земјоделците, дециден е министерот Николовски.
