Претседателот на ВМРО-ДПМНЕ, Христијан Мицкоски, во интервју за „360 Степени“, одговараше на прашање за тоа дали вистинската причина за одбивањето парламентот да се состане повторно лежи во нешто друго, односно во желбата Чулев да остане министер за внатрешни работи, бидејќи ако парламентот се состане може да се наметне прашањето на негова смена.
„АПСОЛУТНО ДА, ЛЕГИТИМНО Е И ТОА. АКО СЕ СОБЕРЕ ПАРЛАМЕНТОТ ДА СЕ НАМЕТНЕ ПРАШАЊЕТО НА НЕГОВА СМЕНА ВО УСЛОВИ КОГА ИМАМЕ ТЕХНИЧКА ВЛАДА, ИСТО КАКО ШТО ТОА ГО НАПРАВИЈА, ПОВТОРНО ПРОТИВЗАКОНСКИ СО ЕДЕН ДРУГ МИНИСТЕР НА ПРЕДЛОГ НА ВМРО-ДПМНЕ, ТОА Е ГОСПОЃАТА МИЗРАХИ. ОЛИВЕР СПАСОВСКИ Е ТЕХНИЧКИ ПРЕТСЕДАТЕЛ НА ВЛАДАТА И СЕ ДОДЕКА ПОСТОИ И ФУНКЦИОНИРА ОВАА ВЛАДА, И СЕ ДОДЕКА Е ИЗБРАН ОД СТРАНА НА ПАРЛАМЕНТАРНОТО МНОЗИНСТВО АКЛАМАТИВНО НАЌЕ ЧУЛЕВ, ТОЈ ЌЕ БИДЕ МИНИСТЕР. НЕ Е ДАЛИ ЈАС САКАМ ИЛИ НЕ САКАМ ДА СЕ СОСТАНЕ ПАРЛАМЕНТОТ, НЕ Е ПРОБЛЕМОТ ВО ЖЕЛБАТА, НИТУ СУМ СУЛТАН, НИТИ МОНАРХ ВО ОВАА ДРЖАВА. ПРОБЛЕМОТ Е ДАЛИ Е ТОА СПОРЕД УСТАВ И СОГЛАСНО ПРАВОТО ВО ОВАА ДРЖАВА. НЕ Е ДАЛИ НАЌЕ ЧУЛЕВ ЌЕ БИЛ МИНИСТЕР ИЛИ НЕМАЛО ДА БИДЕ. ОВА НЕ Е ПОЛИТИЧКА ТЕМА. ИЛИ ЌЕ ГО ПОЧИТУВАМЕ ПРАВОТО, ИЛИ НИЕ НЕМА ДА ИМАМЕ ПРАВНА ДРЖАВА И СЕКОГАШ ПОНАТАМУ ВО ИДНИНА ОВА ЌЕ СЕ КРШИ“, вели Мицкоски.
Извор: 360 степени
