Пуштен во употреба нов, модерен, мултифункционален спортски терен во село Мождивњак – Крива Паланка. Истиот е реализиран со финансиска поддршка од Агенција за млади и спорт, а на денешното отворање присуствуваа директорот на Агенцијата за млади и спорт, Наумче Мојсовски, министерот за земјоделство, шумарство и водостопанство, Љупчо Николовски и градоначалникот на Крива Паланка Сашко Митовски.
-Ова е уште еден проект кој го впишуваме меѓу многуте кои носат развој на Крива Паланка и развој на североистокот. Новиот спортски терен ќе биде букварот за многу нови таленти чија што кариера можеби се уште не е откриена и чека со сиот свој потенцијал да биде успешно реализирана, порача денеска на отворањето министерот аа земјоделство, шумарство и водостопанство Љупчо Николовски.
-Им порачувам на сите млади и на сите спортисти да имаат успешни и убави моменти на ова ново спортско игралиште, нека ги следат своите соништа и нека тренираат умно и напорно, успесите доаѓаат неочекувано, а се резултат на работа и голема посветеност. На сите други рекреативци и жители од овој крај им посакувам среќно и успешно користење на спортскиот терен, додаде Николовски.
-Ветено-сторено, за нови спортски успеси, за здрав живот на младите генерации – ново, модерно мултифункционално игралиште во село Мождивњак, м.в.Дубје. Вложени се 7 милиони денари, инвестиција обезбедена од АМС, што ја надополнува листата проекти со кои континуирано вложуваме во: спортска инфраструктура; развој на младите; унапредување на талентите, порача Митовски.
