Регулаторната комисија за енергетика одлучи од вечерва на полноќ да не се менува цената на бензините и на дизелот. Единствено поскапува мазутот, втор пат за една недела.

„Еуросуперот“ од 95 октани ќе продолжи да се продава по цена од 82 денари за литар, „еуросуперот“ од 98 ќе се продава по 84,5 денари за литар, додека дизелот ја задржува истата цена од 73 денари за литар.

Цената на екстра лесното масло останува 72 денари за литар.

Мазутот поскапува за 1,1 денар, и ќе се продава за 38,7 денари.

Референтните цени на нафтените деривати на светскиот пазар во споредба со претходната пресметка од 27.3.2023 година бележат зголемување во просек: кај бензините за 2,285 %, кај дизелот намалување за 1,124%, кај екстра лесното масло намалување за 1,06% и кај мазутот има зголемување за 4,500%.