Во пожар што избувна рано утрово на улицата „Илинденска“ во Гостивар, целосно изгореа четири бараки.
Во огнената стихија нема настрадани, пренесе МИА.
Непознати се причините за настанување на пожарот, а семејствата бараат сместување, бидејќи како што рекоа, во огнот им изгореле покуќнината и сиот имот.
Заради староста на објектите и запалливиот материјал, интервенцијата на пожарникарите не била ефикасна, иако огнот бил брзо локализиран.