Градоначалниците од редовите на ВМРО-ДПМНЕ својата неспособност да не ја покриваат со барање вина на друго место освен кај себе си, се вели во реакцијата на изјавата на Љупчо Папазов од ВМРО-ДПМНЕ.
Тие треба да се први на терен секогаш кога се случуваат временски непогоди, но наместо да се грижат за општините со кои раководат, тие поитаа да бараат оправдувања за нивното неработење, преку неосновани обвинувања кон институциите од централната власт.
Владата, централните институции се секогаш со граѓаните, реагираат навремено во решавање на проблемите.
За жал, тоа не е случај со општините раководени од ВРМО-ДПМНЕ кои овие два месеци од мандатот, наместо да работат за граѓаните, се посветија на партизација на општинските администрации и бранење на интересите на партијата од чии редови се, велат од СДСМ.
