„За време на владеењето на ВМРО-ДПМНЕ цената на електричната енергија за домаќинствата се зголеми за 100 отсто, а добар дел од овој период Христијан Мицкоски беше советник за енергетика на Никола Груевски а потоа и директор на ЕСМ.
ВМРО-ДПМНЕ е партијата која ја укина дневната евтина тарифа и тоа во време кога немаше глобална енергетска криза, а потоа како опозиција се противеше на нејзиното повторно воведување.
Исто како и за време на пандемијата ВМРО-ДПМНЕ и Мицкоски се обидуваат и од глобалната енергетска криза да профитираат политички измислувајќи конструкции и плашејќи ги граѓаните дека цената на струјата ќе се зголеми помеѓу 30 и 40 отсто.
Тоа е ВМРО-ДПМНЕ предводена од Мицкоски, секогаш на спротивната страна од интересите на граѓаните“, се вели во соопштението на СДСМ.