Пратениците од парламентарното мнозинство, предводено од СДСМ, ги усвои законите кои ВМРО-ДПМНЕ и опозицијата со месеци свесно и намерно ги блокираа. Поддршката за исплата на плати за месец февруари и март деновиве започнува да пристигнува кај граѓаните. – стои во денешното соопштение од СДСМ.
Блокадите, лагите и деструкциите на ВМРО-ДПМНЕ и опозицијата, одново се поразени. Разликата е очигледна. – порачуваат од партијата.
Парламентарното мнозинство предводено од СДСМ стори сѐ помошта што е обезбедена со мерките од Владата, да стигне до граѓаните на кои им е потребна, пратениците на ВМРО-ДПМНЕ и опозицијата правеа сѐ законите да не се донесат, мерките да се одолговлекуваат и десетици илјади работници да останат без плати.
Уште еднаш се потврди дека ВМРО-ДПМНЕ и опозицијата работат за сопствени интереси, на штета на граѓаните и државата.
Затоа ВМРО-ДПМНЕ шест пати по ред е казнето од граѓаните на избори и уште долго ќе остане во опозиција. – велат од СДСМ.
