Жител на гостиварското село Дебреше вчера попладне бил застрелан од огнено оружје и починал од здобиените повреди.
Полициски службеници од СВР Тетово нешто подоцна лишија од слобода три лица.
Веднаш по добиената пријава дека е пукано врз Р.К.(35) од Дебреше воспоставена е оперативна акција “обрач” за пронаоѓање и лишување од слобода на сторителите.
По кратко време, сторителите се лишени од слобода и тоа Б.В.(28), Ј.В (31) и Љ.В. (32), а пронајдена е и автоматската пушка од која е пукано, како и возилото “волво” со кое сторителите се одддалечиле од местото на настанот.
По документирање на случајот, ќе биде поднесена кривична пријава до надлежното ОЈО.
