Ветувањата на Данела Арсовска дека ќе се заложи за борба против загадувањето и заштита на животната средина, сега стануваат лажни предизборни ветувања, изјави за медиумите Лилјана Божиновска, советничка во Советот на Град Скопје
„Во реалноста, Арсовска крати буџетски средства во секторот за животна средина, поништува еколошки проекти и најавува популистички мерки.
Покрај тоа што за три пати ги намали средствата за Секторот за животна средина, Арсовска сериозно ги намали и средствата за субвенционирање на трошоците за набавка на инвертори.
Субвенциите кон скопјани за инвертори за следната година се намалени на само 24 милиони денари, шест пати помалку од претходно!
Субвенционирањето за набавка на инвертори досега го искористија околу 5.000 домаќинства во Скопје, тоа се 5.000 помалку оџаци кои го загадуваат воздухот“, истакна Божиновска.
„Данела Арсовска наместо да ја продолжи и унапреди оваа мерка, таа крати средства и зборува за неиздржани и популистички мерки.
Со ваков пристап, Арсовска, градоначалничката од редовите на ВМРО-ДПМНЕ не може да се бори против аерозагадувањето.
Арсовска мора да почне нешто да работи, особено она што им го вети на скопјани, а добрите проекти и еколошки мерки да ги продолжи а не ги намалува“, посочи Божиновска.
