На денешен ден, пред 30 години е изгласан првиот Буџет од прогласување на независност на нашата земја, во вредност од 79,2 милијарди југословенски динари или денешни 1,2 милијарди евра.
Министерот за финансии, Фатмир Бесими на својот Фејсбук-профил пишува дека Буџетот претставува едно од главните обележја на самостојна и независна држава.
– Оттогаш, секоја година по предлог на Министерството за финансии, Владата го предава предлог-буџетот до Собранието, во кој се планираат средства за економски развој, за капитални проекти, за здравство, образование, безбедност, екологија, наука и култура, пишува Бесими.
Министерот порача дека во добрите времиња Буџетот го поттикнува развојот, а во време на криза дава поддршка за пребродување на истата и дека Буџетот е од граѓаните – за граѓаните.
Тој додаде дека напорите на Министерството се насочени кон заздравување на економијата и постигнување на посакуваниот и потребниот економски раст и развоj.
