Општина Аеродром изготви платформа за локален економски развој, 2021-2025, ‘Аеродром – прва општина со европско знаменце’ којашто на одреден начин се надоврзува на владината стратегиска рамка за европски стандарди дома, Акција21, истакна вицепремиерот за борба против корупција и криминал, за одржлив развој и човечки ресурси, Љупчо Николовски.
„Денеска беше претставена оваа платформа. Нова, европска, системски базирана методологија за одржување хигиена, управување и селекција на отпад со непосредна и интерактивна соработка со жителите на општината во наредниот период.
Европските практики се добар пример кој треба да се следи и ова е за поздравување, очекувам целосната имплементација за подобар квалитет на живот на нашите граѓани.
Европски општини за задоволни граѓани“, посочи Николовски.
