Премиерот Димитар Ковачевски и делегацијата на Владата на Република Северна Македонија се во дводневна официјална посетна на Република Бугарија.
Дел од владината делегација е и министерот за земјоделство, шумарство и водостопанство, Љупчо Николовски.
Николовски истакна дека премиерот на Република Бугарија Кирил Петков, придружуван од министрите во неговата влада приредил пријателско добредојде за владината делегација од Северна Македонија.
„Од денеска ја започнуваме дводневната официјална посета на делегацијата на Владата на Република Северна Македонија на Република Бугарија, каде утре ќе одржиме меѓувладина седница“, посочи Николовски.
Николовски исто така нагласи дека унапредувањето на секторската и целокупната соработка со соседите е клучна на патот кон ЕУ.
