Од ноќеска на полноќ цената на дизелот ќе поевтини за 1,5 денари за литар, додека цената на бензините нема да се менува, одлучи Регулаторната комисија за енергетика (РКЕ). Со донесената одлука се врши намалување на малопродажната цена на нафтените деривати во просек за 2,32 отсто.
Малопродажната цена на бензинот ЕУРОСУПЕР БС-95 ќе изнесува 68 денари за литар, додека малопродажната цена на ЕУРОСУПЕР БС-98 изнесува 70 денари за литар. Со вкалкулираното намалување од 1,5 денари, дизелот ЕУРОДИЗЕЛ (Д-Е V) на бензинските станици ќе може да се набави по цена од 61 денар за литар. Малопродажната цена на Екстра лесното масло за домаќинство (ЕЛ-1) ќе изнесува 50,00 ден/литар.
