Членот на Централниот одбор на СДСМ Љупчо Николовски, денеска со локалното раководство од Крива Паланка ги посетија жителите на неколку кривопаланечки села.
– Жителите на село Добровница, земјоделски крај од Крива Паланка искрено говорат за проектите кои им го подобруваат животот и создаваат услови за развој и раст на селата, градовите и општеството. Добровница е едно од селата во близина на Киселичка Река за која што се подготвува документацијата за изградба на брана, жителите ќе бидат побогати за уште еден капитален проект за развој на североистокот. Имаме јасен план, цел и визија за развој на селата, а со тоа и развој во регионот. Граѓаните добро знаат дека со СДСМ и со нашиот претседател Стево нема враќање назад, ја имаме најдобрата опција за државата, го имаме Стево. Опција која сигурно, силно и одлучно гази на патот кон Европската Унија, посочи Николовски.
Николовски потенцира дека во нашите рурални средини живеат исклучително вредни луѓе, кои ја прават целосна сликата на нашата Македонија. Жителите од селото Подржи Коњ, неуморно посветени на својата работа, подготвени за иднината, новите проекти и развојот на крајот. Се радувам на нивното препознавање и прифаќање на понудата и програмата која ќе донесе нови позитивни промени. Поддршката за Стево е потврдена и загарантирана, додаде тој.
