Таканаречената делта варијанта на ковид е откриена во дури 74 земји, што предизвика стравувања дека ќе стане доминантен вид ширум светот, додека вирусот продолжува да се шири.
Високо заразната варијанта на коронавирусот за прв пат е откриена во Индија и досега, според Светската здравствена организација, тој е пронајден и во Кина, САД и Велика Британија. Се појави и кај нас, а беше откриен и во Хрватска и Австрија.
Во Индија, каде вирусот „експлодираше“ во април и мај и предизвика јавна здравствена криза, делтата (порано позната како двоен мутант) сега е доминантна, исто и во Велика Британија, каде што над 90 проценти од новите случаи се од таа варијанта. Тоа го принуди премиерот Борис Џонсон да ги одложи плановите за повторно отворање на земјата за уште еден месец. Се верува дека делта сортата е околу 60 проценти позаразен од претходната алфа варијанта, која доминираше на островската држава пред него.
„Не можеме да дозволиме да се случи истото во САД“, рече главниот епидемиолог на САД, д-р Ентони Фаучи, на брифингот во вторникот.
Поради брзото ширење на делтата во САД, претседателот Џо Бајден и Фаучи ги повикаа Американците кои сè уште не биле вакцинирани да го сторат тоа.
Загриженост за нова епидемија на есен
Американски здравствени експерти предупредија дека делтата може да стане доминантна во земјата, што предизвика загриженост дека епидемијата ќе влијае на невакцинираните оваа есен.
Случаите предизвикани од делта варијантата се удвојуваат на секои две недели, според поранешниот комесар на американската Администрација за храна и лекови (ФДА) Скот Готлиб и сега најмалку 10 проценти од новите случаи се од оваа сорта, објави „Marketwatch.com“.
– Ова не значи дека ќе имаме нагло зголемување на бројот на инфекции, но значи дека ова ќе надвладее. Мислам дека ова може да поттикне нова епидемија што ќе влезе во есен – додаде тој.
Целиот текст на Слободен печат.
