Сопругата на Вицепремиерот за борба против корупцијата Љупчо Николовски, Андријана, денеска на основното училиште Јоаким Крчовски во Крива Паланка му донираше смарт клупи кои се со посебни сензори за мерење на количина на ЦО2, влажност на воздухот и температура во градот како и УСБ приклучоци за полнење на телефонски батерии.
“Чест ми е што денеска имавме можност заедно со иновативната компанија Октагон Прима да донираме и поставиме во училишниот двор на ОУ Јоаким Крчовски во Крива Паланка смарт клупи кои нудат интелигентно решение што го следи технолошкиот развој и потребите на новите генерации, вели Андријана.
Клупите се опремени со соларни панели за производство на електрична енергија, со вградени USB портови за полнење на батерии на мобилни телефони и безжичен бесплатен интернет.
Во клупите се вградени сензори кои мерат количина на СО2, влажност на воздухот и температура во градот.
Иновативните и модерните технологии се клуч за развој на прогресивно општество и мотивација на младите генерации за изнаоѓање решенија за подобрување на животната средина.