На денешен ден во 2001 година се случи масакрот кај Вејце — најкрвав и најбрутален масакр во поновата историја на Македонија. Масакрот се случи во 17:45 часот откако од заседа и ѕверски беа нападнати со золји, снајпери, бомби, рачни минофрлачи, пиштоли и друго автоматско оружје, а потоа масакрирани и запалени, осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имаше и шестмина повредени. При нападот, од колоната успеало да се извлече последното возило и да јави за невидениот масакр.
