Денеске беше пуштена во употреба делницата Крупиште-Кочани на експресниот пат Штип-Кочани. Со ставање во функција на 13,7 километри од Крупиште до Кочани и трасата од Штип до Крупиште, целосно е завршен проектот кој се реализираше во две фази.
Министерот Николовски кој на последните парламентарни избори ја предводеше изборната листа во 3-тата Изборна единица, не го криеше задоволството од овој крупен и значаен проект.
“Зборот е збор. Од заборавен, истокот станува модерен, развиен просперитетен регион. Од денеска граѓаните добиваат нов модерен експресен пат, делница од 28 км што ги поврзува Штип и Кочани. Со изградбата на овој експресен пат се создава брза патна врска помеѓу централниот и источниот дел од државата, се отвора можност за влез на нови странски и домашни инвеститори, за зголемување на работните места, како и за подобра комуникација помеѓу граѓаните. Честитки!” – напиша на Фејсбук, Николовски.