Граничниот премин „Евзони“ на македонско-грчката граница синоќа се соочи со сериозни технички проблеми по удар од гром, кој предизвика прекин на електричната енергија и го наруши работењето на клучните системи.
Според последните информации објавени на српските медиуми, агрегатите на момети не успевале да обезбедат доволно енергија за непречено функционирање на сите уреди и услуги на преминот.
Дополнителни тешкотии се појавија поради проблеми со интернет-врската, па дури и во областите каде што снабдувањето со електрична енергија е стабилизирано, системите не работеа со полн капацитет.
Поради комбинација од прекини на електричната енергија и прекини во комуникациските мрежи, имаше сериозни застои и отежнато функционирање на преминот, што предизвика целосен колапс на работата на граничните служби.
Граѓаните кои чекаа изјавија дека се загрижени за целата ситуација бидејќи не знаат што ги чека.
