Над 106 илјади вработени за последните 2,5 месеци добија повисоки плати, благодарение на мерката за субвенционирање на придонеси за покачување на плати.
Мерката за субвенционирање на придонесите за зголемување на платите од 600 до 6.000 денари дава одлични резултати и се очекува раст на бројот на вработени со повисоки плати.
За мерката, за која во буџетот се предвидени 39 милиони евра, досега аплицирале над 20 илјади компании.
Со субвенционирањето, освен што им се излегува во пресрет на вработените, кои добиваат повисока плата, им се излегува во пресрет и на работодавците за да задржат квалитетни кадри, а воедно се полни пензискиот фонд.
