Општина Крива Паланка континуирано во изминатите десетина години има проблеми со добиток од околу 500 грла, кој, заради негрижа од страна на сопствениците, е оставен на милост и немилост, слободно движејки се на територија на цела Крива Паланка, уништувајки многу земјоделски насади, предизвикувајки големи материјални штети на граѓаните. Иако согласно последните законски измени на законот за благосостојба на животните и со Решение од Агенција за храна и ветеринарство овој добиток е одземан од сопствениците и е предаден на државата, но, агенцијата, и по една година од решението се уште нема постапено по него, па така и ден денеска, добитокот слободно се движи низ Крива Паланка предизвикувајки штети и понатаму.
Граѓаните се загрижени дека централната власт нема волја да го реши проблемот и најави протест кој ќе се одржи од утре, 04 април, во период од 10-12ч. блокирајки го магистралниот пат кај мотел Македонија кон граничниот премин Деве Баир. Протестите ќе траат секој ден се до решавање на проблемот.
