Вицепремиерот за борба против корупција и криминал, за одржлив развој и човечки ресурси, Љупчо Николовски соопшти дека на денешната владина седница донесена е одлука да се наградат сите пожарникари кои беа вклучени во гаснењето на пожарот кој го зафати Кочани и околината.
„Наградата од 10.000 денари е во знак на благодарност за демонстрираната храброст, професионалност и пожртвуваност во мисијата да се спасат животи и да се зачуваат природните ресурси на татковината.
Нивната пожртвуваност и професионалност нема да останат заборавени.
Уште еднаш сакам да изразам благодарност кон сите професионалци, волонтери, граѓани и институции кои несебично учествуваа во безмилосната борба со огнот и да порачам дека мораме да останеме тука едни за други секогаш кога е потребно“, истакна Николовски.
