Три лица загинаа, а најмалку две се повредени во пукање во автобус со ученици во селото Глоѓане кај Дечани, јавуваат медиумите во Приштина.
Повикувајќи се на извори од местото на настанот, медиумите јавуваат дека непознато лице пукало во автобусот и ги убило возачот и двајца студенти.
Во болницата во Пеќ за медиумите потврдија дека во престрелката загинале двајца студенти и возач на автобус.
Од полицијата се уште не ги потврдуваат овие наводи, но во првиот устен извештај за медиумите изјавија дека се повредени две лица.
– Според информациите со кои располагаме, се сомнева дека имало пукање во правец на автобусот и дека две лица се повредени – соопштија од полицијата во Пеќ.
На местото на настанот е и дежурниот обвинител.
