Губитникот Христијан Мицкоски има должност да излезе пред граѓаните и да каже за кои туѓи интереси одработува, со кои структури во Бугарија соработува кога, на она срамно дефиле пред малубројните поддржувачи пред Владата рече дека има „информации дека овој викенд во Софија се распарчува Македонија“, порачуваат од СДСМ во најновото соопштение.
Викендот помина, државата остана цела, Мицкоски не одговори кој му ја дал информацијата дека Македонија, наводно се распарчува и зошто нешто толку опасно не пријавил кај надлежните институции.
ВМРО-ДПМНЕ, предводено од неодговорниот Мицкоски, работи против сопствената држава, масовно шири невистини, пласира лажни вести, поттикнува конфликти, нетолеранција и поделби меѓу граѓаните.
Хистеријата што ја шири Мицкоски е исклучиво во функција на штета на сопствената држава и сопствениот народ во еден период којшто е многу важен за македонската иднина, кога се работи за членството во ЕУ.
Слично се однесуваше и за потпишувањето со Преспанскиот договор. И тогаш се ширеа лаги дека македонскиот идентитет е загрозен за да се покаже сосема спротивното, дека е потврден и признаен.
Граѓаните знаат кој го штити македонскиот идентитет, а кој им штети на државните и национални интереси и затоа ДПМНЕ и Мицкоски уште долго ќе бидат во опозиција.
Цел ден Мицкоски молчи и се крие зад партиски соопштенија, не одговара на јавно поставените прашања, со кого тајно соработува во Бугарија?
Избрани новите органи на СДММ, продолжуваме со реализација на интересите на сите млади луѓе
Мицкоски да не се крие зад соопштенија, да каже, со кого тајно соработува во Бугарија?
Штип продолжува да биде отворена општина што работи во интерес на граѓаните, следува засилена реализација на капиталните инвестиции
Мнозинството е стабилно, народот ја даде довербата на СДСМ и Зоран Заев, Мицкоски останува во опозиција, се вели во партиското соопштение.
